RFA ដោយ សេក បណ្ឌិត
2015-07-21
2015-07-21
ក្រុមអ្នកច្បាប់ក្នុងរដ្ឋសភា
និងអ្នកតំណាងរាស្ត្រនៃគណបក្សប្រជាជនកម្ពុជា កំពុងរង់ចាំចម្លើយពី
លោក ហេង សំរិន ប្រធានរដ្ឋសភា
ដើម្បីចាត់វិធានការតាមផ្លូវច្បាប់លើតំណាងរាស្ត្របក្សប្រឆាំង លោក
អ៊ុំ សំអាន។
តំណាងរាស្ត្រ និងជាអ្នកនាំពាក្យនៃរដ្ឋសភា លោក ឈាង វុន
មានប្រសាសន៍នៅថ្ងៃទី២១ កក្កដា ថា ក្រុមអ្នកច្បាប់ក្នុងរដ្ឋសភា
បានដាក់លទ្ធផលនៃកិច្ចសិក្សាពិគ្រោះយោបល់លើករណីតំណាងរាស្ត្រ
មណ្ឌលសៀមរាប លោក អ៊ុំ សំអាន ដែលចង់ប្ដឹងប្រធានរដ្ឋសភា
ទៅក្រុមប្រឹក្សាធម្មនុញ្ញនោះ
និងការបញ្ចេញមតិនានាទាក់ទងបញ្ហាព្រំដែននៅលើទំព័របណ្ដាញសង្គម
ហ្វេសប៊ុក (Facebook)។ លោកបន្តថា ករណីនេះក្រុមអ្នកច្បាប់នៅរដ្ឋសភា
និងក្រុមតំណាងរាស្ត្ររបស់គណបក្សប្រជាជនកម្ពុជា
ចាត់ទុកជាការចោទប្រកាន់
វាយប្រហារប៉ះពាល់ដល់កិត្តិយសប្រធានរដ្ឋសភា។
លោកបន្តថា ករណីនេះ លោក អ៊ុំ សំអាន អាចប្រឈមនឹងករណីពីរយ៉ាង
គឺវិធានការដាក់វិន័យរដ្ឋបាលក្នុងរដ្ឋសភាតាមបទបញ្ជាផ្ទៃក្នុង
និងការប្រើសិទ្ធិបុគ្គលប្ដឹងតាមផ្លូវតុលាការ
បើសិនជាប្រធានរដ្ឋសភា ចង់ប្រើសិទ្ធិរបស់លោកចាត់ការលើរឿងនេះ៖ «បញ្ជាក់
ត្រង់នេះមួយ ត្រង់គាត់និយាយថា អ៊ីចឹងតើបានជាយួន
និយាយថាភូមិកំណើតរបស់សម្ដេចស្ថិតក្នុងដីយួន
អត់ហ៊ានក្អកជាមួយយួន កុំចង់យកភូមិខ្មែរពីរទៅឲ្យយួន
ដូរជាមួយភូមិកំណើតសម្ដេចវិញ»។
ក្រុមអ្នកច្បាប់ក្នុងរដ្ឋសភា បង្ហាញជូន លោក ហេង សំរិន ថា
ការបញ្ចេញមតិរបស់ លោក អ៊ុំ សំអាន ប៉ះពាល់ដល់បុព្វសិទ្ធិ
និងសិទ្ធិសម្រេចរបស់ប្រធានរដ្ឋសភា
ដូចបានចែងក្នុងរដ្ឋធម្មនុញ្ញបទបញ្ជាផ្ទៃក្នុងរដ្ឋសភា។
ទោះយ៉ាងណា លោក អ៊ុំ សំអាន នៅតែប្រកាន់ជំហរដដែល
គឺលោកធ្វើការទៅតាមច្បាប់
មិនមែនជាការប្រមាថចោទប្រកាន់វាយប្រហារ ក្នុងបំណងអាក្រក់នោះទេ
ហើយលោកមិនព្រួយបារម្ភចំពោះការចាត់វិធានការលើរូបលោកតាមមធ្យោបាយ
ណាមួយនោះឡើយ៕
ព្រះរាជសកម្មភាព និងបេសកកម្ម ព្រះបរមរតនកោដ្ឋ ដើម្បីឯករាជ្យជាតិខ្មែរ
ព្រះរាជសកម្មភាព
និងបេសកកម្ម ព្រះបរមរតនកោដ្ឋ ដើម្បីឯករាជ្យជាតិខ្មែរ - See more at:
http://khmersme.com/archives/6679#sthash.NlC2CAPT.dpuf
ខ្លឹមសារខ្លះៗ នៃកិច្ចព្រមព្រៀងប៉ារីស១៩៩១ ស្តីពីបូរភាពទឹកដី
មាត្រា៤ភាគីដែលចុះកិច្ចព្រមព្រៀងនេះ អំពាវនាវដល់រដ្ឋដទៃទៀត ឲ្យទទួលស្គាល់ និងគោរពគ្រប់បែបយ៉ាង ដល់អធិបតេយ្យភាព ឯករាជ្យ បូរណភាពទឹកដី និងភាពមិនអាចរំលោភបាន នៃដែនដី អព្យាក្រិតភាព និងឯកភាពជាតិរបស់កម្ពុជា ហើយចៀសវៀងធ្វើអំពើ ដែលមិនស្របនឹងគោលការណ៍ទំាងនោះ ឬដែលមិនស្រប ទៅនឹង ប្រការដទៃទៀត នៃកិច្ចព្រមព្រៀងនេះ។
មាត្រា៥
១.ក្នុងករណីមានការរំលោភ ឬការគំរាមកំហែង រំលោភលើអធិបតេយ្យភាព ឯករាជ្យ បូរណភាព និងភាពមិនអាចរំលោភបាន នៃដែនដីអាព្យាក្រិតភាព ឬឯកភាពជាតិនៃកម្ពុជា ឬលើការប្តេជ្ញាអនុវត្តដទៃទៀតណាមួយ ក្នុងកិច្ចព្រមព្រៀងនេះ បណ្តាភាគីក្នុងកិច្ចព្រមព្រៀងនេះ ធ្វើការពិគ្រោះបន្ទាន់ ដើម្បីអនុម័តរាល់វិធានការសមស្រប ដើម្បីធានា ការគោរពដល់ការប្តេជ្ញាចិត្តទាំងនោះ និងដោះស្រាយរាល់ការរំលោភទំាងនោះ តាមមធ្យោបាយសន្តិវិធី។
២.វិធានការបែបនេះក្នុងចំណោមវិធានការផ្សេងទៀត អាចរួមមានការរាយការណ៍ទៅក្រុមប្រឹក្សាសន្តិសុខអង្គការសហប្រជាជាតិ ឬប្រើប្រាស់មធ្យោបាយដំណោះស្រាយនូវទំនាស់ ដោយសន្តិវិធី យោងទៅតាមមាត្រា៣៣ នៃរដ្ឋធម្មនុញ្ញអង្គការសហប្រជាជាតិ។
៣.បណ្តាភាគីក្នុងកិច្ចព្រមព្រៀងនេះ ក៏អាចសុំការឧបត្ថម្ភពីសហប្រធាន នៃសន្និសីទប៉ារីស ស្តីពីកម្ពុជាដែរ។
៤.ក្នុងករណីរំលោភសិទ្ធិមនុស្សយ៉ាងធ្ងន់ធ្ងរនៅកម្ពុជា ភាគី នៃកិច្ចព្រមព្រៀងត្រូវស្នើដល់ អង្គការមានសមត្ថកិច្ច របស់អង្គការសហប្រជាជាតិ ឲ្យចាត់វិធានការដទៃទៀត ដែលសមស្រប ដើម្បីទប់ស្កាត់ និងលុបបំបាត់ការរំលោភបែបនេះ ដោយស្របតាមច្បាប់ អន្តរជាតិ ដែលទាក់ទិន។
(ដកស្រង់ពីសៀវភៅ ស្តីពីកិច្ចព្រមព្រៀង នៅទីក្រុងប៉ារីស ស្តីពីបញ្ហាកម្ពុជា ២៣ តុលា ១៩៩១)
ខ្លឹមសារខ្លះៗ នៃកិច្ចព្រមព្រៀងប៉ារីស១៩៩១ ស្តីពីបូរភាពទឹកដី
មាត្រា៤ភាគីដែលចុះកិច្ចព្រមព្រៀងនេះ អំពាវនាវដល់រដ្ឋដទៃទៀត ឲ្យទទួលស្គាល់ និងគោរពគ្រប់បែបយ៉ាង ដល់អធិបតេយ្យភាព ឯករាជ្យ បូរណភាពទឹកដី និងភាពមិនអាចរំលោភបាន នៃដែនដី អព្យាក្រិតភាព និងឯកភាពជាតិរបស់កម្ពុជា ហើយចៀសវៀងធ្វើអំពើ ដែលមិនស្របនឹងគោលការណ៍ទំាងនោះ ឬដែលមិនស្រប ទៅនឹង ប្រការដទៃទៀត នៃកិច្ចព្រមព្រៀងនេះ។
មាត្រា៥
១.ក្នុងករណីមានការរំលោភ ឬការគំរាមកំហែង រំលោភលើអធិបតេយ្យភាព ឯករាជ្យ បូរណភាព និងភាពមិនអាចរំលោភបាន នៃដែនដីអាព្យាក្រិតភាព ឬឯកភាពជាតិនៃកម្ពុជា ឬលើការប្តេជ្ញាអនុវត្តដទៃទៀតណាមួយ ក្នុងកិច្ចព្រមព្រៀងនេះ បណ្តាភាគីក្នុងកិច្ចព្រមព្រៀងនេះ ធ្វើការពិគ្រោះបន្ទាន់ ដើម្បីអនុម័តរាល់វិធានការសមស្រប ដើម្បីធានា ការគោរពដល់ការប្តេជ្ញាចិត្តទាំងនោះ និងដោះស្រាយរាល់ការរំលោភទំាងនោះ តាមមធ្យោបាយសន្តិវិធី។
២.វិធានការបែបនេះក្នុងចំណោមវិធានការផ្សេងទៀត អាចរួមមានការរាយការណ៍ទៅក្រុមប្រឹក្សាសន្តិសុខអង្គការសហប្រជាជាតិ ឬប្រើប្រាស់មធ្យោបាយដំណោះស្រាយនូវទំនាស់ ដោយសន្តិវិធី យោងទៅតាមមាត្រា៣៣ នៃរដ្ឋធម្មនុញ្ញអង្គការសហប្រជាជាតិ។
៣.បណ្តាភាគីក្នុងកិច្ចព្រមព្រៀងនេះ ក៏អាចសុំការឧបត្ថម្ភពីសហប្រធាន នៃសន្និសីទប៉ារីស ស្តីពីកម្ពុជាដែរ។
៤.ក្នុងករណីរំលោភសិទ្ធិមនុស្សយ៉ាងធ្ងន់ធ្ងរនៅកម្ពុជា ភាគី នៃកិច្ចព្រមព្រៀងត្រូវស្នើដល់ អង្គការមានសមត្ថកិច្ច របស់អង្គការសហប្រជាជាតិ ឲ្យចាត់វិធានការដទៃទៀត ដែលសមស្រប ដើម្បីទប់ស្កាត់ និងលុបបំបាត់ការរំលោភបែបនេះ ដោយស្របតាមច្បាប់ អន្តរជាតិ ដែលទាក់ទិន។
(ដកស្រង់ពីសៀវភៅ ស្តីពីកិច្ចព្រមព្រៀង នៅទីក្រុងប៉ារីស ស្តីពីបញ្ហាកម្ពុជា ២៣ តុលា ១៩៩១)
No comments:
Post a Comment