ខាងក្រោមនេះគឺជាគន្លឹះសំខាន់ៗដែលមហាសេដ្ឋីបានចែករំលែកស្ដីអំពីការសន្សំលុយ៖
១. ចំណាយលុយលើខ្លួនឯងជាមុនសិន
តើអ្នកនឹងធ្វើអ្វីមុនគេ នៅពេលដែលលោកអ្នកទទួលបានសែកដែលគេសងលុយ? តើលោកអ្នកគួរតែចំណាយជាមុន រួចហើយសល់ប៉ុន្មានទុកសន្សំ ឬក៏ទុកសន្សំមុន រួចទើបចំណាយ? គន្លឹះដ៏ល្អដែលអ្នកគួរធ្វើនោះគឺ អ្នកត្រូវកាត់ចំណែកសម្រាប់ខ្លួនឯងជាមុន មុននឹងលោកអ្នកចំណាយលុយកាក់ទាំងនោះទៅវិញ។
២. ធ្វើផ្ទះរបស់អ្នកឱ្យសាមញ្ញ
មា នមហាសេដ្ឋីខ្លះបានរស់នៅក្នុងវិមានដ៏ល្អប្រណិត ដែលផ្ដល់ភាពស្រណុកសុខស្រួលយ៉ាងក្រៃលែងដល់ពួកគេ។ ប៉ុន្តែមហាសេដ្ឋីដូចជាលោក Warren Buffet ជាដើម បានធ្វើឱ្យផ្ទះរបស់លោកសាមញ្ញបំផុត។ លោក Buffet នៅតែបន្តរស់នៅក្នុងផ្ទះមួយដែលមានបន្ទប់គេង៥នៅក្នុង តំបន់ Omaha ដែលគាត់បានទិញតាំងពីឆ្នាំ ១៩៥៧ ក្នុងតម្លៃ ៣១,៥០០ ដុល្លារ។
៣. ប្រើឧបករណ៍ប្រើកម្លាំង ឬសេវាដឹកជញ្ជូនសាធារណៈ
វាជារឿងចម្លែកដែលមហាសេដ្ឋីភាគច្រើនចូលចិត្តដើរ ជិះកង់ ឬប្រើសេវាដឹកជញ្ជូនសាធារណៈ នៅពេលដែលពួកគេធ្វើដំណើរជុំវិញទីក្រុងដែលពួកគេរស់នៅ។ តាមពិត បុគ្គលទាំងនេះអាចនឹងជិះឧទ្ធម្ភគចក្រដើម្បីទៅប្រជុំបាន ប៉ុន្តែពួកគេជ្រើសរើសប្រើប្រាស់កម្លាំងផ្ទាល់ខ្លួន និងសេវាដឹកជញ្ជូនសាធារណៈ ដើម្បីកាត់បន្ថយលើការចំណាយដែលមិនចាំបាច់។
៤. កាត់សក់នៅផ្ទះខ្លួនឯង
មហាសេដ្ឋីល្បីៗមួយចំនួនធំចំណាយលុយដល់ទៅ ៧,២០០ ដុល្លារ ដើម្បីកាត់សក់ក្នុងរយៈពេលមួយឆ្នាំ (ដោយមិនរាប់បញ្ចូលលុយបន្ថែមដែលគាត់ឱ្យទៅជាងផ្ទាល់ផង)។ មហាសេដ្ឋីដូចជាលោក John Caudwell មិនទៅកាត់សក់នៅហាងទេ តែគាត់កាត់សក់នៅផ្ទះលោកផ្ទាល់។
៥. សន្សំសំចៃលើការស្លៀកពាក់
មនុស្សច្រើនណាស់ដែលផ្ដល់តម្លៃឱ្យមនុស្សដទៃទៀត លើសំលៀកបំពាក់ដែលពួកគេប្រើ ប៉ុន្តែមហាសេដ្ឋីខ្លះដូចជាលោក David Cheriton ដែលក្លាយទៅជាមហាសេដ្ឋីដោយសារការវិនិយោគរបស់លោកជាមួយក្រុម ហ៊ុន Google ស្លៀកតែខោខៅប៊យ និងអាវយឺត។
៦. មើលរំលងសម្ភារៈទំនើបៗ
បើអ្នកមិនចេះមើលរំលងសម្ភារៈទំនើបៗទេនោះ លោកអ្នកនឹងមិនអាចសន្សំលុយកាក់បាន ឡើយ។ មហាសេដ្ឋីច្រើនណាស់ មានលោក Warren Buffet ជាដើមមិនប្រើប្រាស់សម្ភារៈទំនើបឡើយ។
៧. ចំណាយតាមការគ្រោង
មិនមែ នឱ្យតែមានលុយ អ្នកចេះតែចាយតាមចំណង់របស់អ្នកនោះទេ។ ដើម្បីឱ្យការចាយលុយរបស់លោកអ្នកមានប្រសិទ្ធភាព លោកអ្នកត្រូវតែចំណាយតាមការគ្រោង ដែលរាប់បញ្ចូលទាំងអ្វីដែលសំខាន់ត្រូវទិញបន្ទាន់ និងអ្វីដែលមិនទាន់សំខាន់។
ប្រភព៖ Lifehack
ប្រែសម្រួលដោយ៖ ប៊ុន លាភ
ប្រែសម្រួលដោយ៖ ប៊ុន លាភ
No comments:
Post a Comment