១. លើកកម្ពស់សុខភាពភ្នែក៖ វប្បធម៌លោកខាងលិច ដែលយល់ថាការរ៉ុតគឺជាអាហារមានប្រយោជន៍ដល់សុខភាពភ្នែកនោះ គឺជាចំណុចវិជ្ជមានមួយ។ ការ៉ុតសម្បូរដោយសារធាតុ Beta-carotene ខ្ពស់ ដែលចង់ក្រោយវាបំប្លែងទៅជាវីតាមីនA នៅក្នុងថ្លើម។ បន្ទាប់មកទៀតវីតាមីនA ប្រែទៅជាពណ៌នៅក្នុងបាតនៃរ៉េទីន ដែលជាចំណែកពណ៌ស្វាយមានសារៈសំខាន់សម្រាប់គំហើញពេលយប់។ សារធាតុ Beta-carotene ក៏ត្រូវបានគេរកឃើញផងដែរថា វាមានប្រសិទ្ធភាពក្នុងការការពារប្រឆាំងនឹងវិបត្ដិក្នុងកែវភ្នែកពេល ចាស់ជរា និងជំងឺបាយភ្នែក។ ក្រុមអ្នកសិក្សាស្រាវជ្រាវបានរកឃើញថា មនុស្សដែលទទួលទានសារធាតុ Beta-carotene មានអត្រាប្រឈមនឹងវិបត្ដិក្នុងកែវភ្នែកពេលចាស់ជរា ៤០% កម្រិតនេះតិចជាង មនុស្សដែលទទួលទានសារធាតុនេះក្នុងកម្រិតតិច។
២. ជួយការពារជំងឺមហារីក៖ ការសិក្សាស្រាវជ្រាវបង្ហាញថា ការ៉ុតមានប្រសិទ្ធភាពបញ្ចុះនូវគ្រោះថ្នាក់ នៃជំងឺមហារីកពោះវៀនធំ មហារីកសួត និងមហារីកដោះ។ ថ្មីៗនេះអ្នកវិទ្យាសាស្រ្ដក៏បានរកឃើញផងដែរថា សារធាតុ Falcarinol និងសាធាតុ Falcarindiol ដែលពួកគេបានទស្សន៍ទាយនោះ អាចជាប្រភព នៃគុណសម្បត្ដិប្រឆាំងនឹងជំងឺមហារីក។ សារធាតុ Falcarinol គឺជាថ្នាំសម្លាប់សត្វល្អិតបែបធម្មជាតិបង្កើតឡើងដោយការ៉ុត ដែលអាចការពារឬសគល់របស់វា ពីជំងឺផ្សិត។
៣. ជួយពន្យឺតភាពចាស់៖ កម្រិតសារធាតុ Beta-carotene ខ្ពស់ដើរតួជាសារធាតុប្រឆាំងនឹងអុកស៊ីដ តទល់នឹងការខូចកោសិកា ដែលកើតឡើងនៅក្នុងរាងកាយតាមរយៈប្រព័ន្ធមេតាបូលីក។ ម្យ៉ាងទៀតវាក៏មានគុណប្រយោជន៍ក្នុងពន្យឺតភាពចាស់នៃកោសិកាផងដែរ។
៤. លើកកម្ពស់សុខភាពស្បែក៖ វីតាមីនA និងសារធាតុប្រឆាំងនឹងអុកស៊ីដកម្មជួយការពារស្បែកពីការបំផ្លាញដោយ ពន្លឺព្រះអាទិត្យ។ ភាពកង្វះវីតាមីនA អាចជាប្រភព ដែលធ្វើឱ្យសក់ ក្រចក និងស្បែកស្ងួត។ ម្យ៉ាងទៀតវីតាមីនA ក៏ជួយបញ្ឈប់ ការវិវឌ្ឍន៍ទៅរកភាពជ្រីវជ្រួញ កម្ចាត់ស្នាមជាំ មុនលើផ្ទៃមុខ ស្បែកស្ងួត ព្រមទាំងធ្វើឱ្យស្បែកតឹងណែនផងដែរ។
៥. ការពារជំងឺបេះដូង៖ ការសិក្សាស្រាវជ្រាវបង្ហាញថា របបអាហារសម្បូរទៅដោយសារធាតុ Carotenoids មានទំនាក់ទំនងទៅនឹងការបញ្ចុះគ្រោះថ្នាក់នៃជំងឺបេះដូង។ ការ៉ុតមិនត្រឹមតែមានផ្ទុកសារធាតុ Beta-carotene ប៉ុណ្ណោះទេ ប៉ុន្ដែថែមទាំងមានផ្ទុកសារធាតុ Alpha-carotene និងលូតេអ៊ីនទៀតផង។ ការពិសាការ៉ុតរាល់ថ្ងៃអាចជួយកាត់បន្ថយកម្រិតកូឡេស្ដេរ៉ូល ដោយសារជាតិសរសៃ fiber ងាយរំលាយនៅក្នុងការ៉ុតផ្សារភ្ជាប់ជាមួយនឹងទឹកអាស៊ីដប្រម៉ាត់៕
អត្ថបទ៖ ដេវីដ
ប្រភព៖Source: ourhealthyway
ប្រភព៖Source: ourhealthyway
No comments:
Post a Comment