ការកាត់បន្ថយការទទួលទានជាតិស្ករគឺជា គំនិតល្អបំផុតដែលអ្នកអាចធ្វើបាន ប្រសិនបើអ្នកចង់រស់នៅដោយ មានសុខភាពល្អ។ ការទទួលទាននៃជាតិផ្អែមទាំងនេះ អាចធ្វើឱ្យអ្នករស់នៅក្នុងស្ថានភាពដែលលំបាកមួយ។
មានមនុស្សជាច្រើនដែលប្រើប្រាស់ជាតិស្ករាប់តោននៅក្នុងមួយថ្ងៃៗ ដែលវាមិនមែនជាកត្តាដ៏ល្អឡើយ សម្រាប់រាងកាយ។ ក្រៅពីការបង្ករឱ្យមានជំងឺទឹកនោមផ្អែម វាអាចបង្ករជា ជំងឺមហារីក ជំងឺបេះដូង និង ជំងឺធាត់។
ខាងក្រោមនេះគឺជាគ្រោះថ្នាក់ទាំង១០ អ្នកគួរតែយល់ដឹងដែលបណ្ដាលមកពីការទទួលទានស្ករច្រើនហួស៖
១. បង្ករជាជំងឺមហារីក
ជាតិស្ករផលិតកោសិកាមហារីកនៅក្នុងរាងកាយ ម្យ៉ងវាអាចកាត់បន្ថយអាយុរបស់អ្នកជំងឺមហារីកបានផងដែរ។ ក្រុមអ្នកស្រាវជ្រាវបានរកឃើញថាβ-catenin អាចប៉ះពាល់ដល់ភាពងាយកោសិកាក្នុងការបង្កើតមហារីក។
២. ភាពធាត់
ការប្រើប្រាស់ជាតិស្ករដែលមាននៅក្នុងទឹកឃ្មុំ ឬ ទឹកផ្លែឈើច្រើនហួសហេតុពេកអាចនាំឱ្យមានជំងឺធាត់ ចំពោះកុមារ ក៏ដូចជាមនុស្សពេញវ័យផងដែរ។ ជាតិស្ករនេះត្រូវបានរក្សាទុកនៅក្នុងពោះ ឬ បង្កើតកោសិកាខ្លាញ់ផ្ទៃក្នុង។
៣. ជំងឺទឹកនោមផ្អែម
តើអ្នកដឹងទេថាទឹកនោមរបស់អ្នកជំងឺទឹកនោមផ្អែមមានជាតិស្ករខ្ពស់ ហើយមើលទៅពណ៌លឿងឆ្អៅ ដូចជាស្រាវីស្គី!!! មួយក្នុងចំណោមមូលហេតុនៃការកើតជំងឺទឹកនោមផ្អែមនោះគឺការទទួលទានជាតិស្ករ ច្រើនហួសកំណត់។
៤. វានឹងធ្វើឱ្យអ្នកញៀនបាន
នៅពេលខ្លះការទទួលទានជាតិស្ករអាចក្លាយទៅជាការញៀនបាន។ នៅក្នុងករណីមួយចំនួនវាត្រូវបានទាក់ទង ទៅនឹងកូកាអ៊ីន (ប្រភេទថ្នាំសណ្ដំ ឬ ថ្នាំញៀន) និង កញ្ឆា។
ចុចអាន៖ ជក់បារីអាចធ្វើអោយមនុស្សវិកលចរិក?
៥. បាត់បង់ការចងចាំ
ការសិក្សាពីឆ្នាំ ២០១២ បានរកឃើញថាការទទួលទានជាតិស្ករច្រើនហួសហេតុពេកមានទំនាក់ទំនង ទៅនឹងកង្វះខាតក្នុងការចងចាំ និង សុខភាពការយល់ដឹងជារួម។
៦. លាក់មេរោគអេដស៍
តើអ្នកបានដឹងទេថាជាតិស្ករប្រសិទ្ធិភាពខ្លាំងនៅលើរាងកាយរបស់យើងថាវាមានសមត្ថភាពក្នុងការលាក់មេរោគ អេដស៍ ដូច្នេះវាធ្វើឱ្យមានការលំបាកក្នុងការធ្វើតេស្តរកមេរោគនេះ។ ការសិក្សាបានបង្ហាញថាមេរោគនេះត្រូវបានគ្របដណ្តប់ទៅដោយម៉ូលេគុលស្ករ។
៧. មានបញ្ហាបេះដូង
ការសិក្សានៅឆ្នាំ ២០១៣ បានបង្ហាញថា ការផ្ទុកជាតិស្ករក្នុងរាងកាយច្រើនពេកធ្វើឱ្យប៉ះពាល់ដល់យន្តការ នៃចិត្ដរបស់មនុស្សម្នាក់ហើយអាចបង្កើនហានិភ័យនៃជម្ងឺបេះដូង។
៨. មានបញ្ហាថ្លើម
ពេលដែលជាតិស្ករ និង ការប្រើប្រាស់គ្រឿងស្រវឹងត្រូវបានលាយជាមួយគ្នាវាធ្វើឲ្យមានផលប៉ះពាល់ច្រើន ទៅលើថ្លើម។ វាគឺជាជាតិពុលសម្រាប់សរីរាង្គដែលធ្វើឲ្យវាមានបញ្ហា។
៩. លើសជាតិស្ករ
អ្នកប្រហែលជាធ្លាប់បានដឹងហើយអំពីបញ្ហាឡើងជាតិស្ករ។ នេះជាបញ្ហាទូទៅមួយបានកើតទៅលើកុមារ និង មនុស្សពេញវ័យមួយចំនួន។ ការឡើងជាតិស្ករខ្ពស់អាចប៉ះពាល់ដល់ខួរក្បាល ហើយវាក៏អាចអាចប៉ះពាល់ដល់ ប្រព័ន្ធភាពស៊ាំផងដែរ។
១០. កាត់បន្ថយអាយុជីវិតរបស់អ្នក
ចាប់តាំងពីជាតិស្ករនេះបណ្តាលឲ្យមានបញ្ហាច្រើន ហើយប៉ះពាល់ដល់សុខភាព អាចនិយាយបានថា វាគឺជាវិធីធម្មជាតិតែមួយគត់ដែលធ្វើឲ្យអាយុរបស់អ្នកថយចុះ។ ការប្រើប្រាស់ជាតិស្ករលើសកំណត់នាំឱ្យមានឱកាសតិចសម្រាប់រស់នៅរយៈពេលយូរ។
ចុចអាន៖ អាហារ និង ភេសជ្ជៈ ដែលស្ត្រីគួរជៀសវាង ក្នុងកំឡុងពេលមានផ្ទៃពោះ!!!
កែសម្រួលដោយ៖ សាយមិន
ប្រភព៖ Boldsky
No comments:
Post a Comment