ខ្មែរដើម្បីខ្មែរ: ប្រភេទនៃការឈឺភ្នែក ការឈឺភ្នែកត្រូវបានគេឱ្យឈ្មោះថា(ophthalmalgia) ហើយការឈឺភ្នែកនេះមានពីរប្រភេទ៖ •ការឈឺចាបត្រង់រចនាសម្ព័ន្ធខាងក្រៅនៃភ្នែក(Ocular Pain)៖ ការឈឺចាប់កើតឡើងលើផ្ទៃខាងក្រៅនៃភ្នែក។ វាអាចនាំឱ្យមានស្នាមក្រហម ក្រហាយ ឬមានអារម្មណ៍ថារមាស់។ អាការៈនេះជាទូទៅកើតឡើងនៅពេលអ្នករងរបួសនៅលើភ្នែក។ ការឈឺភ្នែកប្រភេទនេះអាចងាយស្រួលក្នុងការព្យាបាលដោយការប្រើថ្នាំបន្ដក់ភ្នែក(Eye Drop)។ •ការឈឺចាប់ត្រង់រង្វង់ភ្នែក(Orbital Pain)៖ ការឈឺចាប់នេះកើតឡើងក្នុងភ្នែករបស់អ្នក ហើយវាធ្វើឱ្យមានអារម្មណ៍ថាឈឺខ្ទោកៗ ឈឺចាក់ពើតៗ និងមានអារម្មណ៍ដូចគ្រាប់ខ្សាច់ចូលអញ្ចឹង។ វាជារឿងប្រសើរក្នុងការទៅជួបវេជ្ជបណ្ឌិតប្រសិនបើអ្នកជួបប្រទះការឈឺចាប់ប្រភេទនេះ ពីព្រោះវាអាចជាមូលហេតុមួយនៃជំងឺភ្នែកធ្ងន់ធ្ងរ។ ហេតុផលចំពោះការឈឺចាប់នៅក្នុងភ្នែក •កម្ទេចកម្ទីប៉ើងចូល៖ ការឈឺចាប់ប្រភេទនេះគឺជាបញ្ហា ដែលតែងកើតឡើងជាញឹកញាប់ ហើយគឺជាការឈឺចាប់មួយប្រភេទដែលអ្នកជួបប្រទះនៅពេលធូលី ឬរបស់កខ្វក់ប៉ើងចូលភ្នែករបស់អ្នក។ ការប៉ើងល្អងធូលីចូលភ្នែកនេះតែងតែនាំឱ្យភ្នែកក្រហាយ ឡើងក្រហមនៅក្នុងភ្នែក និងថែមទាំងនាំឱ្យហូរទឹកភ្នែកទៀតផង។ •ភ្នែករងរបួស៖ ការរងរបួសគឺជាហេតុផលដ៏ចំបងមួយ ក្នុងចំណោមហេតុផលទាំងឡាយនៃការឈឺចាប់ក្នុងភ្នែក។ របួសមួយចំនួនដូចជាការរលាកសារធាតុគីមី ឬការរលាកដោយសារពន្លឺអាចបណ្ដាលឱ្យមានការឈឺចាប់ធ្ងន់ធ្ងរ។ ម្យ៉ាងទៀតការប៉ះនឹងភ្នាក់ងារដែលបណ្ដាលឱ្យក្រហាយរលាកច្រើនពេកដូចជាថ្នាំប្ដូរពណ៌សក់ ឬប្រភពនៃពន្លឺដូចជាព្រះអាទិត្យអាចនាំឱ្យរបួសភ្នែកដែលបណ្ដាលឱ្យឈឺចាប់ក្នុងភ្នែក។ •ពពែភ្នែក ឬរលាកក្រពេញភ្នែក៖ មុនក្រហមៗដូចដុំពក ដែលកើតឡើងដោយសារការស្ទះក្រពេញបញ្ចេញជាតិរំអិលរបស់អ្នកនោះគេឱ្យឈ្មោះថាពពែឆ្កែ។ វាតែងកើតឡើងនៅផ្នែកខាងក្នុង ឬកើតឡើងនៅត្រង់គែមត្របកភ្នែក។ វាមិនមែនជាជំងឺធ្ងន់ធ្ងរនោះទេ ហើយនឹងស្រកទៅវិញក្នុងរយៈពេលពីរ ឬបីថ្ងៃ។ វាងាយនឹងរងការឈឺចាប់ ហើយអាចមានអារម្មណ៍ថាឈឺខ្លះៗ។ យល់ល្អអ្នកគួរកុំប៉ះវាញឹកញាប់អី ហើយទុកវាឱ្យស្រកទៅដោយខ្លួនឯង។ •រលាកដោយសារ Contact Lens៖ ប្រសិនបើអ្នកពាក់ Contact Lens ជាញឹកញាប់ឬតែងតែពាក់វាពេញមួយថ្ងៃ គឺមានន័យថាអ្នកមុខជាធ្លាប់មានការឈឺចាប់ក្នុងភ្នែកហើយ។ ការមិនសម្អាត Lens របស់អ្នកក្នុងចន្លោះពេលសម្រាកអាចធ្វើឱ្យភ្នែករបស់អ្នកកាន់តែឈឺចាប់។ ការរលាកអាចបណ្ដាលឱ្យមានការឈឺចាប់ និងថែមទាំងអាចនាំឱ្យកើតរោគទៀតផង។ ការពាក់ Lens ចាស់ៗ ឬហួសកាលបរិច្ឆេទក៏អាចបណ្ដាលឱ្យឈឺចាប់ក្នុងភ្នែករបស់អ្នកផងដែរ។ •ជំងឺទឹកដក់ក្នុងភ្នែក៖ ជំងឺទឹកដក់ក្នុងភ្នែកគឺជាជំងឺធ្ងន់ធ្ងរមួយប្រភេទ ដែលបណ្ដាលមកពីការកើនឡើងសម្ពាធក្នុងភ្នែកដែលធ្វើឱ្យខូចសរសៃអុបទិក(Optic Nerve)។ វាអាចនាំឱ្យមានការឈឺចាប់ដ៏ខ្លាំងក្លា ហើយប្រសិនបើមិនស្វែងរកការព្យាបាលឱ្យទាន់ពេលវេលាទេវាអាចនាំឱ្យអ្នកបាត់បង់គំហើញតែម្ដង។ តើអ្នកអាចព្យាបាលភ្នែកដោយខ្លួនឯងតាមរបៀបណា? •សម្រាកឱ្យបានច្រើន៖ ប្រសិនបើអ្នកមានអារម្មណ៍ថាក្រហាយ ឬឈឺចាប់នៅក្នុងភ្នែកយល់ល្អអ្នកគួរសម្រាក និងមិនត្រូវខំសម្លឹងច្រើននោះទេ។ ចៀសវាងការមើលទូរទស្សន៍ ឬប្រើប្រាស់កុំព្យូទ័រ ឬទូរស័ព្ទពីព្រោះវាកាន់តែធ្វើឱ្យភ្នែកឈឺ។ •ព្យាបាលដោយទឹក៖ បន្ដក់ទឹកត្រជាក់ទៅក្នុងភ្នែករបស់អ្នក ដើម្បីសម្អាតវា និងបន្ថយភាពក្រហាយ។ ប្រសិនបើការឈឺចាប់មិនបានធូរស្រាលដោយខ្លួនឯងទេ ហើយកើតឡើងសារជាថ្មីម្ដងទៀត យល់ល្អអ្នកគប្បីទៅជួបវេជ្ជបណ្ឌិតជំនាញ ហើយទទួលការពិនិត្យភ្នែករបស់អ្នក។ អ្នកគួរចៀសវាងការប្រើប្រាស់ថ្នាំព្យាបាលដោយខ្លួនឯង៕ អត្ថបទ៖ ដេវីដ ប្រភព៖Source: steptohealth

Monday, August 24, 2015

ប្រភេទនៃការឈឺភ្នែក ការឈឺភ្នែកត្រូវបានគេឱ្យឈ្មោះថា(ophthalmalgia) ហើយការឈឺភ្នែកនេះមានពីរប្រភេទ៖ •ការឈឺចាបត្រង់រចនាសម្ព័ន្ធខាងក្រៅនៃភ្នែក(Ocular Pain)៖ ការឈឺចាប់កើតឡើងលើផ្ទៃខាងក្រៅនៃភ្នែក។ វាអាចនាំឱ្យមានស្នាមក្រហម ក្រហាយ ឬមានអារម្មណ៍ថារមាស់។ អាការៈនេះជាទូទៅកើតឡើងនៅពេលអ្នករងរបួសនៅលើភ្នែក។ ការឈឺភ្នែកប្រភេទនេះអាចងាយស្រួលក្នុងការព្យាបាលដោយការប្រើថ្នាំបន្ដក់ភ្នែក(Eye Drop)។ •ការឈឺចាប់ត្រង់រង្វង់ភ្នែក(Orbital Pain)៖ ការឈឺចាប់នេះកើតឡើងក្នុងភ្នែករបស់អ្នក ហើយវាធ្វើឱ្យមានអារម្មណ៍ថាឈឺខ្ទោកៗ ឈឺចាក់ពើតៗ និងមានអារម្មណ៍ដូចគ្រាប់ខ្សាច់ចូលអញ្ចឹង។ វាជារឿងប្រសើរក្នុងការទៅជួបវេជ្ជបណ្ឌិតប្រសិនបើអ្នកជួបប្រទះការឈឺចាប់ប្រភេទនេះ ពីព្រោះវាអាចជាមូលហេតុមួយនៃជំងឺភ្នែកធ្ងន់ធ្ងរ។ ហេតុផលចំពោះការឈឺចាប់នៅក្នុងភ្នែក •កម្ទេចកម្ទីប៉ើងចូល៖ ការឈឺចាប់ប្រភេទនេះគឺជាបញ្ហា ដែលតែងកើតឡើងជាញឹកញាប់ ហើយគឺជាការឈឺចាប់មួយប្រភេទដែលអ្នកជួបប្រទះនៅពេលធូលី ឬរបស់កខ្វក់ប៉ើងចូលភ្នែករបស់អ្នក។ ការប៉ើងល្អងធូលីចូលភ្នែកនេះតែងតែនាំឱ្យភ្នែកក្រហាយ ឡើងក្រហមនៅក្នុងភ្នែក និងថែមទាំងនាំឱ្យហូរទឹកភ្នែកទៀតផង។ •ភ្នែករងរបួស៖ ការរងរបួសគឺជាហេតុផលដ៏ចំបងមួយ ក្នុងចំណោមហេតុផលទាំងឡាយនៃការឈឺចាប់ក្នុងភ្នែក។ របួសមួយចំនួនដូចជាការរលាកសារធាតុគីមី ឬការរលាកដោយសារពន្លឺអាចបណ្ដាលឱ្យមានការឈឺចាប់ធ្ងន់ធ្ងរ។ ម្យ៉ាងទៀតការប៉ះនឹងភ្នាក់ងារដែលបណ្ដាលឱ្យក្រហាយរលាកច្រើនពេកដូចជាថ្នាំប្ដូរពណ៌សក់ ឬប្រភពនៃពន្លឺដូចជាព្រះអាទិត្យអាចនាំឱ្យរបួសភ្នែកដែលបណ្ដាលឱ្យឈឺចាប់ក្នុងភ្នែក។ •ពពែភ្នែក ឬរលាកក្រពេញភ្នែក៖ មុនក្រហមៗដូចដុំពក ដែលកើតឡើងដោយសារការស្ទះក្រពេញបញ្ចេញជាតិរំអិលរបស់អ្នកនោះគេឱ្យឈ្មោះថាពពែឆ្កែ។ វាតែងកើតឡើងនៅផ្នែកខាងក្នុង ឬកើតឡើងនៅត្រង់គែមត្របកភ្នែក។ វាមិនមែនជាជំងឺធ្ងន់ធ្ងរនោះទេ ហើយនឹងស្រកទៅវិញក្នុងរយៈពេលពីរ ឬបីថ្ងៃ។ វាងាយនឹងរងការឈឺចាប់ ហើយអាចមានអារម្មណ៍ថាឈឺខ្លះៗ។ យល់ល្អអ្នកគួរកុំប៉ះវាញឹកញាប់អី ហើយទុកវាឱ្យស្រកទៅដោយខ្លួនឯង។ •រលាកដោយសារ Contact Lens៖ ប្រសិនបើអ្នកពាក់ Contact Lens ជាញឹកញាប់ឬតែងតែពាក់វាពេញមួយថ្ងៃ គឺមានន័យថាអ្នកមុខជាធ្លាប់មានការឈឺចាប់ក្នុងភ្នែកហើយ។ ការមិនសម្អាត Lens របស់អ្នកក្នុងចន្លោះពេលសម្រាកអាចធ្វើឱ្យភ្នែករបស់អ្នកកាន់តែឈឺចាប់។ ការរលាកអាចបណ្ដាលឱ្យមានការឈឺចាប់ និងថែមទាំងអាចនាំឱ្យកើតរោគទៀតផង។ ការពាក់ Lens ចាស់ៗ ឬហួសកាលបរិច្ឆេទក៏អាចបណ្ដាលឱ្យឈឺចាប់ក្នុងភ្នែករបស់អ្នកផងដែរ។ •ជំងឺទឹកដក់ក្នុងភ្នែក៖ ជំងឺទឹកដក់ក្នុងភ្នែកគឺជាជំងឺធ្ងន់ធ្ងរមួយប្រភេទ ដែលបណ្ដាលមកពីការកើនឡើងសម្ពាធក្នុងភ្នែកដែលធ្វើឱ្យខូចសរសៃអុបទិក(Optic Nerve)។ វាអាចនាំឱ្យមានការឈឺចាប់ដ៏ខ្លាំងក្លា ហើយប្រសិនបើមិនស្វែងរកការព្យាបាលឱ្យទាន់ពេលវេលាទេវាអាចនាំឱ្យអ្នកបាត់បង់គំហើញតែម្ដង។ តើអ្នកអាចព្យាបាលភ្នែកដោយខ្លួនឯងតាមរបៀបណា? •សម្រាកឱ្យបានច្រើន៖ ប្រសិនបើអ្នកមានអារម្មណ៍ថាក្រហាយ ឬឈឺចាប់នៅក្នុងភ្នែកយល់ល្អអ្នកគួរសម្រាក និងមិនត្រូវខំសម្លឹងច្រើននោះទេ។ ចៀសវាងការមើលទូរទស្សន៍ ឬប្រើប្រាស់កុំព្យូទ័រ ឬទូរស័ព្ទពីព្រោះវាកាន់តែធ្វើឱ្យភ្នែកឈឺ។ •ព្យាបាលដោយទឹក៖ បន្ដក់ទឹកត្រជាក់ទៅក្នុងភ្នែករបស់អ្នក ដើម្បីសម្អាតវា និងបន្ថយភាពក្រហាយ។ ប្រសិនបើការឈឺចាប់មិនបានធូរស្រាលដោយខ្លួនឯងទេ ហើយកើតឡើងសារជាថ្មីម្ដងទៀត យល់ល្អអ្នកគប្បីទៅជួបវេជ្ជបណ្ឌិតជំនាញ ហើយទទួលការពិនិត្យភ្នែករបស់អ្នក។ អ្នកគួរចៀសវាងការប្រើប្រាស់ថ្នាំព្យាបាលដោយខ្លួនឯង៕ អត្ថបទ៖ ដេវីដ ប្រភព៖Source: steptohealth

មិត្តអ្នកអានមួយចំនួន តែងតែ ខ្វាយខ្វល់ នៅពេលដែលរកទិញ iPhone ឬ iPad មួយទឹក ដោយសារពួកគេ មានគំនិត ខុសៗគ្នាថា របស់មួយទឹក អាចមាន តម្លៃថោកជាង របស់ថ្មីពិតមែន ហើយគុណភាពរបស់វាក៏អាចចាញ់របស់ថ្មីដែរ, បើទិញរបស់មួយទឹកមកប្រើប្រាស់ អាចខ្មាស់អ្នកស្គាល់គ្នា នៅពេលដែលគេដឹង, ខ្លាចពេលទិញរួចប្រើមិន បានយូរ មានបញ្ហានេះ មានបញ្ហានោះ, មានអារម្មណ៍ មិនស្រួល នៅពេល ប្រើប្រាស់របស់ សល់ពីគេ ហើយមិន ដឹងថាមាននរណាខ្លះ ឬមនុស្សប្រភេទម៉េចធ្លាប់ប្រើ របស់នេះ, បើទិញរបស់មួយទឹកខ្លាចបាន ឆ្នាំងសាកឬកាសក្លែងក្លាយ ទាំងនេះហើយ ជាអ្វីដែលអ្នកចង់ រកទិញរបស់ មួយទឹកគិតដល់។

មនុស្សម្នាក់ៗមានការគិត ពិតជាត្រឹមត្រូវ តែអ្នកត្រូវ គិតរកវិធីអ្វី ដោះស្រាយបញ្ហា ដែលអ្នកខ្វាយខ្វល់នេះវិញ ទើបបានល្អ។ នាពេលនេះយើងលើកពី ប្រការណែនាំ មួយចំនួន ដែលល្អសំរាប់ អ្នកចង់រកទិញ iPhone ឬ iPad មួយទឹក ឲ្យបានដឹង និងអាច ជឿជាក់ថា នឹងអាច រកទិញរបស់មួយទឹក ដែលមានគុណភាពល្អបាន ដោយមិន ចាំបាច់ ខ្វល់ដូចអ្វី ដែលយើងបាន រៀបរាប់ដូច ខាងលើ នេះទេ។ មិនបង្អង់យូរ មិត្តអ្នកអាន អាចអាន ការណែនាំ ខាងក្រោម បានឥឡូវនេះ៖

អ្នកត្រូវពិនិត្យមើលថាជាប់ iCloud ឬអត់បាន ដោយចូលទៅកាន់ Link https://www.icloud.com/activationlock/ មួយនេះតាមរយៈកុំព្យូទ័រ (បើសិនជាមាននៅកន្លែងអ្នកលក់) រួចព្យាយាមវាយលេខ IMEI របស់ iPhone ឬ iPad ដែលអ្នកចង់ទិញនោះ (ការធ្វើបែបនេះមានប្រសិទ្ធខ្ពស់) បន្ទាប់ពីវាយលេខ IMEI រួច បើសិនជាចេញពាក្យ Activation Lock : off (មានន័យថាមិនជាប់ iCloud ទេ តែបើ On មានន័យថាវាជាប់ iCloud ហើយ)។

បើតាមវិធីម៉្យាងទៀត អ្នកអាចធ្វើតាមរយៈ iPhone ឬ iPad នោះបាន ដោយគ្រាន់តែចុចចូល Settings រួចអូសចុះក្រោមបន្តិច ចុចចូល iCloud រួចអូសចុះក្រោយឲ្យអស់ អ្នកនឹងឃើញពាក្យ Delete Account ដូចនេះអ្នកអាច Delete វាបាន ដើម្បីកុំឲ្យ iCloud អ្នកដទៃជាប់នៅក្នុងនោះ។
អ្នកអាចប្រាប់អ្នកលក់ឲ្យធ្វើតាមវិធីខាងលើ ហើយត្រូវឲ្យអ្នកលក់បញ្ជាក់ និងធានាថា គ្មានការជំពាក់ជំប៉ិន iCloud នៅពេលក្រោយទៀត។

ពិនិត្យមើលលើសំបកក្រៅ ថាវាមានកំពិត ឬឆ្កូត ឬមានដូរសំបក។

បើនិយាយពីកំពិត ឬឆ្កូតវិញ អ្នកអាចមើលបានដោយភ្នែកយើងផ្ទាល់បានយ៉ាងងាយ តែសំបកដូរឬមិនដូរវិញ អ្នកត្រូវតែចូលទៅកាន់ Settings => General => About រួចអូសចុះក្រោមបន្តិច សំលឹងរកពាក្យ IMEI របស់ iPhone ឬ iPad នោះ រួចពិនិត្យមើលថាវាដូចនិងលេខ IMEI ដែលនៅសន្ទះខាងក្រោយរបស់ iPhone ឬ iPad នោះអត់ បើសិនជាដូច នេះប្រាកដហើយថាជាសំបកដើម (មិនបានដូរ)

ពិនិត្យមើលប៊ូតុង ដែលមានដូចជា ប៊ូតុងដំឡើង និងបន្ថយសំលេង, ប៊ូតុងបិទបើក, ប៊ូតុង Home និងគន្លឺះដាក់ ឬដោះ Silent ។

អ្នកអាចចុចសាកប៊ូតុងទាំងនេះបាន ដោយធ្វើការបិទបើក ឬដំឡើងសំលេង និងបន្ថយសំលេង, ដាក់ Silent និងដោះ Silent វិញ, ចុចលើប៊ូតុង Home មួយដង ឬពីរដង ដើម្បីប្រាកដថាប៊ូតុងទាំងនេះដំនើរការល្អ។

ពិនិត្យមើលលើដំនើរការកាមេរ៉ា, កញ្ចក់អេក្រង់, រន្ធកាស, រន្ធសាកថ្ម, រន្ធបញ្ចេញសំលេងទាំងពីរ។

អ្នកអាចពិនិត្យមើលលើ កញ្ចក់កាមេរ៉ាថាតើមានស្នាមឆ្កូតឬអត់ រួចសាកបើកកម្មវិធីកាមេរ៉ា ថតរូបភាព ឬថតវីដេអូសាកមើល ហើយត្រូវមើលឲ្យច្បាស់ថា កាមេរ៉ាថតបាន ដោយគ្មានស្នាម ឬស្នាមព្រៀលនៅពេលថត ដូចនេះក៏មានន័យថាកញ្ចក់កាមេរ៉ាគ្មានបញ្ហា និងដំនើរការល្អ
អ្នកត្រូវប្រាកដ និងត្រូវឲ្យអ្នកលក់ធានាថាម៉ាស៊ីន iPhone ឬ iPad នោះ មិនបានដោះដូរគ្រឿងនៅខាងក្នុង ដូចជាផ្លាស់ប្តូរអេក្រង់ ឬថ្ម ជាដើម ដោយអ្នកអាចបើកពន្លឺឲ្យខ្លាំង ដើម្បីពិនិត្យមើលអេក្រង់ថាមានបញ្ហា ឬស្នាមចូលទឹក។
អ្នកអាចយកកាសសាកដោតស្តាប់ចម្រៀងផ្សេងៗដែលមាននៅក្នុងនោះ ហើយត្រូវប្រាកដថាវាដំនើរការល្អ
អ្នកត្រូវដោតសាកថ្មវា មុនពេលទិញ ហើយពិនិត្យមើលសំបកខាងក្រៅ ថាមានហើបខ្លាំងខុសពីធម្មតា ឬអត់ បើសិនជាហើប អាចបញ្ជាក់បានថាថ្មនៅក្នុងនោះឡើងប៉ោងខូច ប្រើប្រាស់លែងបានហើយ ដូចនេះអ្នកគួរជៀសវាង
អ្នកអាចសាករន្ធបញ្ចេញសំលេងទី 1 ជារន្ធបញ្ចេញសំលេងនៅពេលខល ដោយអ្នកអាចតេស្តដោយការខលនិយាយមួយរួចដំឡើងសំលេងឲ្យអស់ ពេលនោះបើស្តាប់ទៅលើច្បាស់ល្អ វាមិនអីទេ ចំនែកឯរន្ធបញ្ចេញសំលេងខាងក្រោមវិញ ជាប្រភេទ Speaker ដោយអ្នកអាចតេស្តបានដោយការបើកចម្រៀង និងដំឡើងសំលេងឲ្យអស់ រួចផ្ទៀងស្តាប់ថាវាមិនរែ ឬបែកបាស។

ពិនិត្យមើលសេនសឺកំណត់ពន្លឺ របស់វា

ចំនុចទី 1 អ្នកអាចធ្វើការខលទៅកាន់នរណាម្នាក់ នៅពេលកំពុងនិយាយនោះអ្នកគ្រាន់តែយកដៃខ្ទប់លើសេនសឺរបស់វា វានឹងបិទពន្លឺអេក្រង់តែម្តង ដូចនេះមានន័យថាវាដំនើរការល្អ
ចំនុចទី 2 អ្នកត្រូវកំណត់ដាក់ Auto Brightness រួចអ្នកអាចយកវាទៅដាក់នៅក្រោមពន្លឺខ្លាំងឲ្យជះត្រូវសេនសឺ វានឹងបញ្ចេញពន្លឺអេក្រង់កាន់តែភ្លឺ បើអ្នកយកវាទៅដាក់កន្លែងងងឹត វានិងបន្ថយពន្លឺកាន់តែទាបដែរ ដូចនេះមានន័យថាដំនើរការល្អ។

តាមដានតម្លៃ ពីហាងផ្សេងខុសៗគ្នា

យើងអាចដឹងបាន ដោយការដើរសួរហាងផ្សេងៗ ដែលលក់របស់មួយទឹកនេះ រួចយកមកប្រៀបធៀបគ្នា បន្ទាប់សាកល្បងតេស្តតាមវិធីខាងលើ ហើយត្រូវប្រាកដថារបស់មួយទឹកនេះ មានគុណភាពដូចអ្វីដែលអ្នកលក់ថា ល្អ 90 ភាគរយ ឬ 99 ភាគរយ
សំរាប់តម្លៃរបស់មួយទឹកអាចថោកជាងរបស់ថ្មីពីចន្លោះ 40 ដុល្លារដល់ 90 ដុល្លារ ដោយអាស្រ័យលើគុណភាពរបស់វា ដូចនេះអ្នកលក់បានបញ្ជាក់ហើយថាវានៅល្អប៉ុន្មានភាគរយ តែអ្នកកុំសូវជឿអ្នកលក់ពេក អ្នកត្រូវតែធ្វើតេស្តដោយខ្លួនអ្នកផ្ទាល់ ឬរកអ្នកជំនាញឲ្យជួយពិនិត្យឲ្យក៏បានដែរ។

ខេមបូ សង្ឃឹមអ្នកដែល ចង់រកទិញ iPhone ឬ iPad មួយទឹក ដែលមិនទាន់ ដឹងថាត្រូវធ្វើ បែបម៉េចមុនពេលទិញ របស់មួយទឹកនេះ អាចអាន ការណែនាំខាងលើ ហើយអាច រកទិញបាននូវ iPhone ឬ iPad មួយទឹកបាន គុណភាពល្អ យកមកប្រើប្រាស់ និងអាច សាកល្បងខ្ចី iPhone ឬ iPad អ្នកស្គាល់ មកធ្វើតេស្តតាម វិធីខាងលើ នេះបាន ដើម្បីយល់ដឹង បានកាន់តែច្បាស់ ។

ដោយ: Hong
3:16 PM, 06 July
ប្រភព: ខេមបូរីផត
Tag: ចំណេះដឹងទូទៅ

ស្វែងរក

Monday, August 24, 2015

No comments:

ទស្សនា