ក្រូចថ្លុងគឺជាប្រភព
នៃវីតាមីន C និងសារធាតុប្រឆាំងអុកស៊ីតកម្មដ៏សម្បូរបែប។
ប៉ុន្តែតាមការសិក្សាថ្មីមួយបានបង្ហាញថា ក្រូចថ្លុង
អាចមានប្រតិកម្មអវិជ្ជមានជាមួយនឹងថ្នាំជាង ៨៥ប្រភេទ។
ជាពិសេសថ្នាំដែលគេប្រើដើម្បីកាត់បន្ថយជាតិកូឡេស្តេរ៉ុល, លើសឈាម
ឬប្រឆាំនឹងជំងឺមហារីក...។
ហើយប្រតិកម្មនៃថ្នាំនេះអាចបង្កឲ្យមានការគំរាមកំហែងដល់អាយុជីវិត
ថែមទៀត។
តើក្រូចថ្លុងមានប្រតិកម្មជាមួយនឹងថ្នាំយ៉ាងណាខ្លះ?
បើយោងតាមអ្នកវិទ្យាសាស្ត្របង្ហាញថា
កំហាប់នៃថ្នាំដែលរលាយត្រូវបានស្រូបទៅក្នុងរាងកាយ
ហើយបន្ទាប់មកបញ្ចូលទៅក្នុងឈាម។
ទន្ទឹមនឹងនេះផងដែរសមាសធាតុក្រូចថ្លុងអាចរារាំងដល់អង់ហ្ស៊ីម ដែលគេហៅថា
cytochrome (CYP3A4) នេះគឺជាអង់ហ្ស៊ីមដែលញាក់ព័ន្ធនឹងការរំលាយអាហារជាង
៥០%។
បន្ទាប់ពីបរិភោគក្រូចថ្លុង តើពេលណាដែលអ្នកអាចបរិភោគថ្នាំបាន?
វាត្រូវបានគេសិក្សា និងរកឃើញថា បន្ទាប់ពី
២៤ម៉ោងក្រោយពេលបរិភោគក្រូចថ្លុងទើបអ្នកអាចបរិភោគថ្នាំបាន
ប៉ុន្តែប្រសិនបើអ្នកលេបថ្នាំក្នុងកំឡុងពេលនេះអស់ហ្ស៊ីម CYP450
នៅក្នុងថ្នាំនឹងត្រូវបានរាំងខ្ទប់នៅក្នុងពោះវៀន និងថ្លើម។
យកល្អអ្នកមិនគួរបរិភោគក្រូចថ្លុងក្នុងពេលព្យាបាលជំងឺនោះទេ។
តើអ្នកជំងឺអាចបរិភោគក្រូចផ្សេងៗទៀតដែរ ឬទេ?
ប្រភេទផ្លែឈើផ្សេងទៀតអាចបរិភោគបាន ប៉ុន្តែពពួកផ្លែក្រូចទាំងនេះអាចជះឥទ្ធិពលដូចគ្នាទៅនឹងក្រូចថ្លុងដែរ។
តើការបរិភោគក្រូចថ្លុងកម្រិតណាទើបមានប្រតិកម្ម?
ការបរិភោគក្រូចថ្លុងត្រឹមតែ ២០០មីលីលីត្រនៃទឹករបស់វា
គឺអាចមានប្រតិកម្មជាមួយនឹងថ្នាំហើយ។ ដូចជាថ្នាំបន្ថយសម្ពាធឈាមជាដើម
នៅពេលដែលអ្នកលេបតំណាលគ្នាជាមួយនឹងទឹកក្រូច
ធ្វើឲ្យជាថ្នាំត្រូវប្រមូលផ្តុំក្នុងឈាមកើនឡើងដល់ទៅ ៣ដង។
ថ្នាំមួយចំនួនដែលមានប្រតិកម្មជាមួយនឹងក្រូចថ្លុង៖
- ថ្នាំកាត់បន្ថយកូឡេស្តេរ៉ុល (atorvastatin, lovastatin, simvastatin)
- ថ្នាំរក្សាស្ថេរភាពចង្វាក់បេះដូង (amiodarone, dronedarone)
- ថ្នាំកាត់បន្ថយសម្ពាធឈាម (nifedipine, verapamil, felodipine)
ប្រតិកម្មនៃថ្នាំនេះអាចមានបញ្ហាកើតឡើងដូចជា៖
ចង្វាក់បេះដូងលោតខុសធម្មតា, ហូរឈាមក្រពះ, សាច់ដុំឡើងរឹង, ខូចតម្រងនោម,
ធ្លាក់ឈាម, ហត់, វិលមុខ, ងងុយដេក។
ចំពោះមនុស្សដែលប្រឈមហានិភ័យខ្ពស់នៃប្រតិកម្មនេះ
គឺជាមនុស្សវ័យចំណាស់ ព្រោះពួកគេតែងតែបរិភោគទឹកក្រូចជាញឹកញាប់។
យកល្អមុននឹងលេបថ្នាំទាំងនេះ
អ្នកជំងឺគួរតែទៅពិគ្រោះជាួយនឹងគ្រូពេទ្យឲ្យបានច្បាស់៕
ដោយ៖ មង្គលការ
ប្រភព៖ (cbsnews, soha)
No comments:
Post a Comment