ផ្តល់សិទ្ធិដោយ៖ មង្គលការ
ដើម្បីអាចកម្ចាត់ស្នាមខ្មៅក្រោយពីកើតមុនមិនមែនជារឿងងាយស្រួល
ឡើយ ប៉ុន្តែឱសថធម្មជាតិនេះមិនត្រឹមតែអាចជួយបំបាត់មុនប៉ុណ្ណោះទេ
តែវាក៏អាចជួយបំបាត់ស្លាកស្នាម
និងការពារពីការកើតមុនឡើងវិញម្តងទៀតដែរ។
ដូច្នេះ
ខាងក្រោមនេះជាឱសថផ្ទះបាយដែលអាចជួយព្យាបាលមុនរបស់អ្នកក្នុងរយៈពេល
១៥នាទី។ តែត្រូវប្រាកដថា អ្នកបានធ្វើតេស្តស្បែកជាមុនសិន
មុននឹងសាកល្បងឱសថផ្ទះបាយទាំងនេះ។ ធ្វើបែបនេះដើម្បីឲ្យប្រាកដថា
ស្បែកអ្នកនឹងមិនប្រតិកម្មជាមួយនឹងសមាសធាតុទាំងនេះ។
ក្រូចឆ្មា
យកក្រូចឆ្មាមួយផ្លែពុះជាពីរ រួចច្របាច់យកទឹកដាក់ចូលចានមួយ។
បន្ថែមអំបិល ១ស្លាបព្រាបាយ និងទឹកឃ្មុំ ១ស្លាបព្រាបាយចូល
រួចលាយវាបញ្ចូលគ្នា។ លាបដោយផ្ទាល់លើមុខរបស់អ្នក
ហើយរង់ចាំរហូតដល់វាស្ងួត។ ក្រោយរយៈពេល
១៥នាទីលាងសម្អាតផ្ទៃមុខរបស់អ្នកនឹងទឹកក្តៅឧណ្ឌៗ។
ប៉េងប៉ោះ
ដាក់ទឹកប៉េងប៉ោះ ១ស្លាបព្រាបាយ, ទឹកឃ្មុំ ១ស្លាបព្រាបាយ
និងម្សៅធ្វើនំ កន្លះស្លាបព្រាបាយ ដាក់ចូលក្នុងចានមួយ។
បន្ទាប់មកលាយវាបញ្ចូលគ្នា រួចលាបលើមុនរបស់អ្នក។ រង់ចាំរយៈពេល ១០នាទី
មុនពេលលាងសម្អាតផ្ទៃមុខរបស់។ អនុវត្តវិធីនេះម្តងទៀតក្នុងរយៈពេល
១សប្តាហ៏ ដើម្បីកម្ចាត់មុនរបស់អ្នក។
រមៀត
រមៀតជាសមាសធាតុផ្សំពីធម្មជាតិប្រឆាំងនឹងបាក់តេរី
ដែលអាចប្រើបានចំពោះបញ្ហាស្បែកគ្រប់ប្រភេទ។ អ្វីដែលអ្នកត្រូវធ្វើគឺ
កិនរមៀតឲ្យម៉ត់ រួចលាយជាមួយនឹងទឹកដោះគោ ព្រមទាំងទឹកកុលាប។
លាបវាដោយផ្ទាល់លើមុនរបស់អ្នក។ បន្តការធ្វើបែបនេះ
បើទោះបីជាក្រោយពេលវាផ្ទុះបែករួចក៏ដោយ។
ទឹកឃ្មុំ
ទឹកឃ្មុំជាសមាសធាតុផ្សំផ្ទះបាយមួយប្រភេទទៀតដែលអ្នកអាចលាបលើស្បែក
របស់អ្នក ដើម្បីព្យាបាលបញ្ហាកើតមុន។ លាបទឹកឃ្មុំក្តៅៗលើមុនរបស់អ្នក។
នៅពេលវាស្ងួត លាបក្រែមទឹកដោះគោក្លាសេ និងរង់ចាំរហូតដល់ស្ងួត។
អនុវត្តការព្យាបាលនេះរយៈពេល ១៥នាទី ដើម្បីកម្ចាត់មុនក្នុងរយៈពេល
១សប្តាហ៏។
ម្សៅធ្វើនំ (Baking soda)
ម្សៅធ្វើនំមិនគួរប្រើដើម្បីលាបលើស្បែកងាយនឹងប្រតិកម្មឡើយ។
ប្រើម្សៅធ្វើនំ ១ស្លាបព្រាបាយ, ទឹកកុលាបលាយបញ្ចូលគ្នា។ រួចលាបលើមុន
ដើម្បីកម្ចាត់ទាំងមុន និងស្លាកស្នាម។ វិធីនេះប្រើរយៈពេល ១៥នាទី
ក៏អាចជួយការពារពីការកើតមុនឡើងវិញម្តងទៀតដែរ៕
ដោយ៖ ដារ៉ា
No comments:
Post a Comment