មិនថារោមចិញ្ចើមរបស់អ្នកតិច, ក្រាស់, វែង, ខ្លី, កោងយ៉ាងណាទេ
តែវាអាចបកស្រាយពីចរិកលក្ខណៈរបស់អ្នកបាន។
រោមចិញ្ចើមរបស់អ្នកអាចបកស្រាយពីខ្លួនអ្នកច្រើនជាងអ្វីដែលអ្នកធ្លាប់ដឹង
ទៅទៀត។ តាមអ្នកជំនាញទាយតាមទម្រង់មុខលោក Jean Haner
បានបង្ហាញឲ្យដឹងថា
ការមើលមុខអាចមើលដឹងអ្វីៗជាច្រើនដែលទាក់ទងនឹងខ្លួនរបស់អ្នក។
រោមចិញ្ចើមខ្លី ៖
អ្នកដែលមានរោមចិញ្ចីមខ្លីអាចបង្ហាញពីភាពលំបាក
ក្នុងការគ្រប់គ្រងអារម្មណ៍តឹងតឹងរបស់ខ្លួន។
បុគ្គលនេះមិនចូលចិត្តជួយដោះស្រាយបញ្ហារបស់មិត្តភក្តិឡើយ។
រោមចិញ្ចីមវែង៖ ផ្ទុយទៅវិញ
អ្នកមានរោមចិញ្ចើមវែងមានសមត្ថភាពគ្រប់គ្រងភាពតានតឹងរបស់ខ្លួន
និងជួយដោះស្រាយបញ្ហារបស់មិត្តភក្តិបាន។
បុគ្គលទាំងនេះជាមនុស្សពូកែអាចធ្វើជាអ្នកប្រកួតប្រជែងបាន។
រោមចិញ្ចីមតិច ឬស្ទើតែគ្មាន៖ ជាមនុស្សដែលចូលចិត្តមានការសង្ស័យច្រើន សូម្បីតែខ្លួនឯង។
រោមចិញ្ចីមក្រាស់៖ អ្នកជាមនុស្សសកម្ម ហើយជាធម្មតា
អ្នកតែងតែបង្ហាញពីទំនុកចិត្តរបស់ខ្លួនឯង។ ជាពិសេសអ្នកជាមនុស្សឆាប់ខឹង
ប្រសិនបើមានអ្វីមករារាំងអ្នកមិនឲ្យធ្វើអ្វីមួយដែលអ្នកចង់ធ្វើ។
រោមចិញ្ចីមកោង៖ មនុស្សបែបនេះមានភាពក្រអឺតក្រទម ហើយធ្វើអ្វីក៏ត្រូវការចំណាយពេលវេលាយូរជាងអ្នកដទៃដែរ ទើបមានទំនុកចិត្ត។
រោមចិញ្ចើមទាប៖ ជាមនុស្សឆាប់យល់, មិនសូវខ្វល់ខ្វាយក្នុងការរស់នៅ ហើយជាមនុស្សរក្សាពាក្យសន្យា។
រោមចិញ្ចីមមូល៖
មនុស្សស្រីដែលមានរោមចិញ្ចើមមូលជាប្រភេទមនុស្សគិតពីអ្នកដទៃច្រើន
ជាងខ្លួនឯង។ អ្នកជំនាញបានពន្យល់ថា ពួកគេក៏ជាមនុស្សមានសមត្ថភាព
និងតែងតែចង់បង្កើតស្ថានភាពឈ្នះៗ។
ពួកគេមិនមែនជាមនុស្សស្រីឯកោនោះឡើយ។
រោមចិញ្ចីមស្រួច៖ មនុស្សដែលមានរោមចិញ្ចើមស្រួច ចូលចិត្តភាពសប្បាយរីករាយ, ជាមនុស្សដែលចេះគិត, និយាយ និងសម្រេចចិត្តបានលឿន៕
ដោយ៖ ដារ៉ា
ប្រភព៖ emaggy
No comments:
Post a Comment