ប្រភព៖http://www.cool1007.com
ដើម្បីធ្វើសកម្មភាពរាងកាយ ឬបំពេញការងារប្រចាំថ្ងៃ
រាងកាយរបស់យើងត្រូវការថាមពលជាចាំបាច់។ ប៉ុន្ដែ ជានិច្ចកាល
យើងមានអារម្មណ៍អស់កម្លាំង និងស្រុតកម្លាំង។
ការអស់កម្លាំងនេះបណ្ដាលមកពីមូលហេតុជាច្រើន
ប៉ុន្ដែមិនថាភាពអស់កម្លាំងនេះបណ្ដាលមកពីមូលហេតុអ្វីនោះទេ
វាជាគំនិតដ៏ល្អក្នុងការពិសាអាហារ
ដែលនឹងផ្ដល់ឱ្យអ្នកនូវការលើកកម្ពស់ថាមពល
និងធ្វើឱ្យអ្នកមានអារម្មណ៍ល្អ។ ជាញឹកញយ
យើងតែងជ្រើសពិសាប្រភេទអាហារ ដែលមិនល្អសម្រាប់យើង ជាពិសេសអាហារ
ដែលមានផ្ទុកជាតិស្ករច្រើន ឬអាហារ ដែលមានគ្រឿងផ្សំមិនល្អដទៃទៀត។
ហេតុដូច្នេះហើយ នៅក្នុងអត្ថបទនេះ
យើងនឹងធ្វើការបង្ហាញនូវអាហារល្អៗ បីប្រភេទ
ដែលនឹងផ្ដល់ឱ្យអ្នកនូវថាមពលបានយូរ។
១.
ចេក៖ ចេកគឺជាប្រភពដ៏ប្រសើរនៃថាមពល
ដោយសារបរិមាណខ្ពស់នៃសារធាតុប៉ូតាស្យូមរបស់វា។
វាផ្ដល់ឱ្យអ្នកនូវការឡើងថាមពលបែបធម្មជាតិបានយូរ
ហើយម្យ៉ាងទៀតសារធាតុប៉ូតាស្យូមនេះក៏ល្អប្រសើរសម្រាប់សាច់ដុំផងដែរ
ជាពិសេសសម្រាប់មនុស្ស ដែលចូលចិត្ដលេងកីឡា និងលើកធ្ងន់។
ជាតិប៉ូតាស្យូមជួយបង្ការនូវអាការៈរមួលក្រពើ និងរបួសសាច់ដុំ
ព្រមទាំងវាជួយគ្រប់គ្រងប្រព័ន្ធសរសៃប្រសាទទៀតផង។
ការពិសាចេកពីរផ្លែនៅពេលព្រឹកគឺល្អប្រសើរដើម្បីឱ្យស្វាងពីភាពងងុយ
គេង និងផ្ដោតអារម្មណ៍បានល្អពេញមួយថ្ងៃ។
២.
ត្រី៖ ត្រីសម្បូរដោយអាស៊ីដខ្លាញអូមេហ្កា៣ ជាពិសេសត្រីទូណា
ត្រីសាម៉ុន ត្រីស្បៃកា និងត្រីសាឌីន។
អាស៊ីដខ្លាញ់គឺជាប្រភពថាមពលដ៏ប្រសើរ និងបញ្ចេញប្រសិទ្ធភាពរហ័ស។
លើសពីនេះទៀត របបអាហារ
ដែលរួមបញ្ចូលជាមួយត្រីគឺល្អប្រសើរសម្រាប់ការចងចាំ
ប្រព័ន្ធសរសៃប្រសាទ និងកាត់បន្ថយកម្រិតស្រ្ដេស។
ដោយសារប្រសិទ្ធភាពនេះ យើងអាចកាត់បន្ថយអាការៈធ្លាក់ទឹកចិត្ដ
និងបង្កើនកម្រិតនៃការផ្ដោតអារម្មណ៍។ អាហារពេលព្រឹក
ដែលធ្វើឡើងដោយត្រីទូណា គឺជាប្រភពដ៏ប្រសើរនៃថាមពលនៅពេលព្រឹក។
៣.
ស៊ុត៖ ទោះបីជាមនុស្សមានជំនឿថា ស៊ុតមិនល្អសម្រាប់យើងក៏ដោយ
ប៉ុន្ដែតាមការពិតគឺថា ស៊ុតនេះគឺពិតជាល្អសម្រាប់សុខភាព
និងល្អសម្រាប់រាងកាយរបស់យើងផងដែរ។ នៅក្នុងចំណោមនោះ
ស៊ុតមានផ្ទុកនូវជាតិប្រូតេអ៊ីន ជាតិខ្លាញ់ល្អៗ វីតាមីន សារធាតុរ៉ែ
និងសារធាតុប្រឆាំងនឹងអុកស៊ីដកម្ម។
វត្ថុធាតុទាំងអស់នេះមានសារៈសំខាន់ដើម្បីឱ្យរាងកាយបំពេញមុខងារបាន
ប្រក្រតី ដូច្នេះស៊ុតផ្ដល់ឱ្យយើងនូវថាមពលច្រើន
និងជួយឱ្យផ្ដោតអារម្មណ៍បានល្អ
ខណៈពេលវាបង្កើនការផ្ចង់អារម្មណ៍ផងដែរ។
ការពិសាស៊ុតមួយគ្រាប់នៅពេលព្រឹកគឺជាវិធីដ៏ប្រសើរដើម្បីចាប់ផ្ដើម
ថ្ងៃថ្មីពោរពេញថាមពល៕
អត្ថបទ៖ ដេវីដ
No comments:
Post a Comment